اللعبة دي ممكن تتلعب في الفقرة الافتتاحية بتخلي الأولاد مركزين ومتحمسين 

طريقة اللعبة :

بتجهز كروت كتير ... كل كارت مكتوب عليه رقم زي ( 50 - 1000 - 300 - zero - 100 - 600)
بنحطهم على السبورة بس مقلوبين يعني الرقم المكتوب ميكونش باين للأولاد 

بعد كل ترنيمة بتشوف الفريق اللي كان بيرنم بحماس وبتختار منه 1 يسحب كارت وبنفضل نعمل كده ونحسب نقط كل فريق 

** لو الولد سحب كارت (Zero) ... رصيد فريقه بيرجع لل Zero تاني  ... وعلى فكرة مش بنحط zero واحد بنحط كام كارت كده 

** ممكن تحط كارت اسمه (star) ... الولد لما يسحبه يضاعف الرقم الأخير اللي فريقه جابه .

** ممكن نحط كارت اسمه (?) ... لما الولد يسحبه يتسأل سؤال من الكتاب المقدس لو جاوب صح هيسحب كارت تاني لو جاوبه غلط يبقى مش هيسحب خلاص.

وممكن كل مرة تغير في اللعبة وتضيف كارت باسم جديد