كان في ام و عندها ابن و بنت و اسمهم جون و جوي و الوقت دا كان يوم الجمعة و دا يوم الاجازة بتاعتهم من المدرسة

"المشهد الاول" 

جون: كان بيلعب بلاي ستيشن 

جوي: كانت بتذاكر
 
مامتهم صحيت: صباح الخير يا حبايبي اخباركم اية
 
جون: ماركزش و ماردش
 
جوي: صباح الفل يا ماما احنا بخير
 
ماما: يا جون انا باقولك صباح الخير انت سامعني

جون: اه ماما صباح الخير
 
ماما: مشغول في اية
 
جون: بلعب يا ماما

ماما: و اللي بيلعب مايردش الصباح علي ماما

جون: لا بس انا خفت لحسن اخسر في الجيم 

ماما: يادي اللعب علي الصبح كدا طيب حتي ذاكر زي اختك

جون: مش لما نفطر طيب الاول

ماما: طيب انا هدخل احضرلكم الفطار علشان تعرفوا تذاكروا الواجبات اللي عندكم و بعد كدا العبوا براحتكم 

جوي: ماشي يا ماما انا ممكن اجي اساعدك في أننا نعمل الفطار مع بعض و انت يا جون خليك العب ادي اللي انت بتعملة طول اليوم و المدرسين بيزعقولك في

المدرسة علشان مش بتعمل الواجب 

جون: عادي مش مشكلة دا الواجب دا تااااافه جدااا 

"المشهد التاني"

دخلت ماما مع جوي المطبخ

ماما: يا جوي انا مبسوطة أن انتي في يوم اجازتك صحيتي بدري تذاكري علشان تروحي بعدها مدارس الاحد رغم أنه يوم اجازة بس انتي مالعبتيش 

جوي: شكرا يا ماما ، انا قولت اذاكر و اروح مدارس الاحد و اخلي اللعب دا اخر حاجة 

ماما: برافو عليكي انا مبسوطة منك 

"المشهد التالت"

في وقت الفطار 

اكلت ماما و جوي و جون كان بياكل شوية و بيلعب شوية و هو بياكل

ماما: يا جون مش صح اللي انت بتعملة علي الاكل دا احنا بنصلي علي الاكل و انت بتلعب 

جون: يخلص الجيم دا بس و حاضر يا ماما هسمع الكلام (باستهتار) 

خلص الفطار و دخلت جوي تلبس و جون لسة بيلعب 

"المشهد الرابع"

جه وقت مدارس الاحد

جوي: يلا يا جون نروح مدارس الاحد 

جون: لا لا روحي انتي انا هشوف المذاكرة اللي عندي مافيش وقت
 
جوي: يا جون ما انا قولتلك نذاكر الصبح و نروح مدارس الاحد و نلعب بليل لو في وقت
 
جون: لا سبيني انتي و روحي خلاص 

جوي: براحتك يلا باي 

مع مرور الوقت و لحد اخر السنه و خصوصاً اليوم اللي هتظهر في النتيجة بعد الامتحانات 

"المشهد الخامس"

جوي: صباح الخير يا ماما

ماما: صباح الخير يا جوي ... هي النتيجة هتظهر النهاردة زي ما قولتي

جوي: اااه .. انا عاوزة اعرف عملت اية في الامتحانات (و في نفس الوقت معدية اليوم بسلام و صاحية مش متوترة)

جون: صباح الخير
 
ماما و جوي: صباح النور
 
جوي: يا جووون النتيجة هتظهر النهاردة (كأنها بتغيظة)

جون: نتيجة اية دا انا كدا شكلي هنام برة البيت ( قالها بتوتر و بص علي مامتة و حط وشة في الأرض )

ماما: انت بتقول اية يا جون 

جون: لا مافيش حاجة ربنا يسترها
 
ماما بتمسك الفون و لقيت حد من المدرسة بعتلها النتيجة و كانت المفجأه

ماما: جوي الف مبروك يا حببتي 360/355 مبروووك 

جوي بمقاطعة ماماتها: الله هييييييه .. الله يبارك فيكي يا ماما 

ماما: و انت يا جون جبت 360/300 مبروك (بس قالتها بزعل)

جون: طيب حلو الله يبارك فيكي (و هو متأثر) اتضايق قوي لانه نقص جامد و أهمل في الدراسة و فضل يلعب طول السنه و نقص كتير
 
ماما: انا قولتلك يا جون ذاكر و انت ماسمعتش كلامي تعرف أن الله نفسه قال إن لكل حاجة وقت
 
جون: دا ازاي الله قالنا كدا
 
ماما: تعرف سفر الجامعة اصحاح 3 و عدد 1 بيقول اية : لِكُلِّ شَيْءٍ زَمَانٌ، وَلِكُلِّ أَمْرٍ تَحْتَ السَّمَاوَاتِ وَقْتٌ دا يعني في وقت اذاكر في و في وقت اروح الكنيسة في وقت العب في و لكل حاجة في يومي لازم تكون مترتبه مش اليوم كله لعب
 
جون: لا انا ماكنتش بلعب اليوم كله انا كنت يحدد وقت المذاكرة امتي و ببدأ بأني بلعب
 
ماما: لا كدا مش صح يا جون لأن ممكن تلعب وقت أطول من اللي انت محددة و تتزنق في المذاكرة و مش هتعرف تكون مركذ في المذاكرة بعد اللعب ف المفروض المذاكرة الاول
 
جون: اااه انا فهمت يا ماما و مش هتتكرر تاني اني العب الاول و بس لا انا هظبط وقتي علشان لِكُلِّ شَيْءٍ زَمَانٌ، وَلِكُلِّ أَمْرٍ تَحْتَ السَّمَاوَاتِ وَ

ماما: برااافو يا حبيبي و انا مبسوطة منكم جدا و مبروك ليكم و اهم حاجة اتعلمت الدرس يا جون 

تأليف : أ/ كارول عماد