الرئيسية » إعداد خدام » موضوعات تهمك

الطفل الشقي حله إيه ؟!

389

طبعا كلنا في الفصول بتاعتنا عندنا على الأقل طفل شقي وكتير بنسأل نعمل معاه إيه ...

دي آراء بعض خدام مدارس الأحد على منتدانا وكنا بنحكي عن الطفل الشقي وإيه إللي ممكن نعمله عشان نقلل الشقاوة :

1.لازم يكون الدرس جذاب وده مسئولية المدرس لأنه لو الدرس ممل وطريقة الالقاء مش مشوقة أكيد الطفل هيمل ويبدأ يتشاقى.

2.وكمان ممكن اشغل الولد الشقي معايا ... ممكن يساعدني إنه يمسكلي وسيلة الإيضاح أو أخليه يمثل معايا في جزء.

3.ممكن الخادم يقرب من الولد ويجلس جنبه عشان يسكت.

4. كمان أفصل بين الأطفال الأشقيا (يعني فصل قوات ) ده ممكن يحد شوية من الشقاوة.

5. ساعات معرفتنا للسبب بيساهم في إيجاد حل ممكن يكون الطفل مكبوت ومش بيلعب في البيت فعليا اوفرله الجو ده ... ممكن ألعب معاه بعد مدارس الأحد مثلا وبكده هيعرف أن وقت اللعب لعب ووقت التركيز تركيز.

6.وكمان أخلى الطفل يخرج كل طاقته في وقت الترانيم واللعب اللي قبل الدرس.

وفكرة أني أخرج الولد الشقي برة الفصل مرفوضة تماما


من مشاركات مجموعة من خدام مدارس الأحد على منتدانا