الرئيسية » منوعات » مناهج مؤتمرات

مؤتمر س و ج - لإعدادي

421

الأية المحورية للفكرة : "أسألك فتُعلمني" (أيوب 40 : 7)

المؤتمر بيخدم سن إعدادى

الفكرة العامة للمؤتمر : الرب بيسأل بعض الأشخاص أسئلة وبناخد رد فعل الأشخاص على الأسئلة .. وبنتعلم أن الرب بيعالج أمور معينة فى الأشخاص دول من خلال سؤاله ليهم .. وكمان أن ممكن الرب يكون بيسألنى نفس السؤال ده وايه رد فعلي ..

 

المؤتمر عبارة عن 3 أيام فيهم 5 خدمات
 

الخدمة الأولى :

أول سؤال : للمرأة التى أُمسكت فى ذات الفعل .

"أما دانك أحد"

القصة فى يوحنا 8 : 3ـ 11

الهدف : توصيل إن الرب عنده غفران مالهوش حدود لأى خطية أياً كانت .. برغم من أنه عارف وحشتنا .. كان رد فعله مختلف جداً ناحية المرأة دى بعكس الناس كلها .. أتمتع بغفران الرب لخطاياك .. رغم انه عارف وحشتك

الخدمة الثانية :

ثاني سؤال : لبارتيماوس الأعمى .

"ماذا تريد أن أفعل بك"

القصة فى مرقس 10 : 46 ـ 52

الهدف : إن الأنسان ليه إرادة والرب بيحترم جداً إرادة الإنسان .. وأداه إزاى يميز بين الخير والشر ويختار هو محتاج الرب يعمل معاه ايه .. واخدنا مقارنة بين السؤال لبارتيماوس ونفس سؤال الرب للمقعد من بطن أمه عند بركة بيت حسدا

الخدمة الثالثة :

تالت سؤال : للعبد اللى لطم الرب وهو فى طريقه للصليب

"إن كنت قد تكلمت ردياً فأشهد على الردى وإن حسناً .. فلماذا تضربنى ؟؟

القصة فى يوحنا 18 : 23

الهدف : إن المؤمن مش ملطشة .. ينفع أخد حقى بس مش بعنف لكن بغفران زى ما عمل الرب يسوع

الخدمة الرابعة :

رابع سؤال : لإيليا التشبي "مالك ههنا يا إيليا"

القصة في ملوك الأول 19

بتتكلم عن الاحباطات فى حياة ايليا خليته فى المكان الغلط
الرب كان عايز ايليا نبى لاسرائيل .. لكن اول ما احبط وخاف من ايزابل .. جلس تحت البطمة وطلب الموت لنفسه
لو استسلمت لاحباطاتى وخوفى هاكون فى المكان الغلط اللى الرب مش عايزنى فيه ولا خلقنى علشانه


الخدمة الخامسة :

خامس سؤال : من الرب لبطرس  "سؤال اتحبني"
القصة في يوحنا 21

الدرس المستفاد : إن كنت تحب الرب تحفظ وصاياه.

من يحبني يحفظ وصاياي


من إعداد : جمعية خلاص النفوس – مغاغة


www.madareselahad.org ©

مرفقات للتحميل