الرئيسية » وسائل إيضاح » دروس

لا للتنمر

فكرة ليوم مختلف في مدارس الأحد نكلم فيه الأطفال ونعلمهم عن التنمر. هانقسم قاعة مدارس الأحد أو ملعب الكنيسة ل 4 أماكن (محطات) .. كل محطة فيهم هايتعلم فيها الطفل عن التنمر، بس كل محطة بطريقة مختلفة عن اللي قبلها، وبكدة يكون الطفل وصلتله المعلومة بأكتر من طريقة وفي نفس الوقت بدون ملل.

كل محطة هايكون ليها ديكور مختلف بيتناسب مع المحتوى اللي بيتقدم فيها، وباقي القاعة ممكن نعلق فيها لافتات كتير عليها عبارات زي "لا للتنمر" "باحب كل الناس" "مش هاتريق على حد" "شجع الأصغر منك" "الله بيحبنا كلنا زي بعض" وهكذا ..

هانبدأ اليوم بفترة الترانيم ويفضل طبعًا تكون بتدور في نفس الموضوع .. أمثلة للترانيم: لازم أحب كل الناس – قلبي فرحان علشان فيه يسوع - أصحاب مهما الشيطان يحارب – احنا نجوم في عين يسوع

بعد الترانيم هايكون فقرة مجمعة مدتها 10 دقايق الخادم هايقدم فيها مدخل وتمهيد عن موضوع اليوم وهو التنمر .. هايسأل الأولاد يعرفوا إيه عن الكلمة ديه ويشرحلهم ببساطة معنى التنمر وأنواعه. استعن بالشرح الخاص بالمعلم الملحق بنهاية الموضوع.

بعد كدة هانقسم الأطفال ل 4 مجموعات علشان نبدأ اللف على المحطات وهايكون زمن كل محطة حوالي 10 دقايق، ونكون محددين لقائد كل مجموعة خط سيره علشان يبقى عارف هايتحرك بمجموعته للمحطات بأي ترتيب. 


التحميل من المرفقات 

 

مرفقات للتحميل