الرئيسية » منوعات » ركن عيد الأم

إسكتش: الأسرة

863

 

فكرة الإسكتش :ثلاث عائلات وأطفالهم.. يتحاورون في عدة مشاهد تظهر من خلالها الأمور التي يحتاجها الأطفال من أهاليهم.. وأهم هذه الإحتياجات هي القدوة.

إسكتش من 20 دقيقة مناسب جدًا لحفلات الأسرة ويخاطب الوالدين بصفة خاصة

 

 

اسكتش الاسرة

 (تدخل المُدرسة الفصل ويكون الاولاد عاملين داوشة)

 المدسة: كله يقعد مكانه مش عايزة داوشة...ماسمعش نفس.

 (المدرسة تفتح ورقة وتبدأ تقرا الاسماء)

 المدرسة: نجاح حبيب

 نجاح: نعم يا ميس؟

 المدرسة: صفر في العربي... وصفر في الانجليزي..و واحد ونص في الحساب..بكرة تجيبي معاكي مامتك.

 المدرسة: امين حبيب.

 امين: نعم يا ميس؟

 المدرسة: استدعاء ولي أمر.

 امين: ليه يا ميس؟

 المدرسة: انت مش عارف انت عملت ايه؟

(امين يبص في الارض وهومتدايق)

 المدرسة: وديع هادي

 وديع: (ببلطجة) افندم.

 المدرسة: ايه قلة الادب ديه يا ولد اتكلم كويس.

 وديع: هي ديه طريقتي يا ابلة ومش هغيرها

 المدرسة: انا كلامي مش هيكون معاك.. استدعاء ولي أمر.. بكرة بابا او ماما يجي معاك.

 وديع: ليه بس يا ميس؟

 المدرسة: عشان راس صاحبك اللي فتحتهاله ديه. بكرة ماتجيش من غير حد كبير معاك.

 وديع: ربنا يسهل.

 المدرسة: سلام وديع.

 سلام: نعم

 المدرسة: سبيبي الموبايل اللي في ايديك.

 سلام: مش هينفع.. بعمل حاجة مهمة ولما اخلصها هبقى اسيبه.

 المدرسة: بقولك سيبي الموبايل. مش كفايا الشكاوي اللي جايالي من زمايلك. 

 سلام: (تنفخ وتسيب الموبايل) 

 المدرسة: بكرة مامتك تيجي معاكي والا هتفضلي متزنبة(متعاقبة) طول اليوم. الحصة خلصت اشوفكوا بكرة.

 صديق1: هو انت عملت ايه يا امين عشان يجيلك استدعاء ولي أمر؟

 صديق2: تلاقيه مش بيحل الواجب بتاعه.

 صديق3: او مش بيدفع فلوس الدروس.

 صديق4: يمكن برضو.

 (ال4 اصدقاء يضحكوا على امين)

 (يدخل وديع يدافع عن امين)

 وديع: محدش ليه دعوة بأمين.. اللي هيقربله هعوره.

 (كل الولاد يطلعوا ويسيبوا الفصل)

 صديقة1: هتعملي ايه يا سلام في موضوع استدعاء ولي أمر ده؟

 سلام: فاكس

 صديقة2: يعني ايه فاكس؟ مش هتجيبي مامتك؟

 سلام: مش عارفة.. هفكر.

 صديقة1: وانتي يا نجاح هتعملي ايه في الموضوع ده؟

 صديقة2: ديه مصيبة.. اكيد بابكي ومامتك هيبهدلوكي على موضوع السقوط ده.

 نجاح: ولا هيبهدلوني ولا حاجة.. هما صلاً مش فاضيين للكلام ده.يلا ننزل الفسحة بلاش نضيع وقت

 

 

باقي الإسكتش في الملف المرفق بالأسفل للتحميل .. 

تأليف : ميرا هاني

مرفقات للتحميل