الرئيسية » أفكار

أفكار ليوم بعنوان ( أنا آسف )

411

1. اكتر حاجة الولاد بيحبوها في السن ده التلوين جيببلهم  صور للقديسين أو السيد المسيح مثلا وهو بيعلم علي الجبل و خليهم يلونوها.

 

2. و ممكن تلعبوا اللعبة بتاعت الزحمة .. اللي هي تتفقوا مع أطفال انهم يجاوبوا اجابات غلط على اسئلة و تختاروا طفل مش عارف الاتفاق فيجاوب زيهم لأنه هيشك في نفسه و بعدين يكتشف انه غلط  لما عمل زي الاغلبية على حساب مبادئه و بكدة تقولوا اننا لازم نكون بنعمل الصح طول الوقت حتى لو اللي حوالينا مش بيعملوه و "آسف لأني مقولتش لأ على كل مرة انا بعت الحق"
و ممكن تعملوها اسكتش لو حسيتوها كبيرة على السن ده

 

3. ممكن تعملوا لعبة نيشان .. و الهدف في المركز يكون هدية بسيطة و حواليها بالونات بتفرقع و فوقها مكتوب تفاح من ذهب في مصوغ من فضة كلمة في محلها .. و تربطوا الأسف بالكلمات اللي بتخرج من غير حساب

 

4. ممكن تلاعبوهم لعبة *ثبت نفسك* و فيها كل طفلين بيقفوا في مواجهة بعض فاردين رجليهم و جسمهم و بيخبطوا كفوف بعض و اللي يتحرك من مكانه او يسند على زميله بيكون خسران و بعدين ييجي واحد مكتوب على التيشرت بتاعه
*كلمة الله* و يسند واحد من الطفلين فيكون صعب يقع و للطفل التاني ساعتها يقول آسف لكل يوم تركت فيه كلمة الله مصدر قوتي
* بردو تنفع اسكتش


5.بالنسبة للألعاب ممكن تلاعبوهم لعبة نقل البالونات بأطباق الأكل

و تربطوها بان في حاجات كتير في حياتنا لازم نخللي بالنا منها علشان منندمش و نقول *أنا آسف*

6. و ممكن لعبة "تركيب الملامح"
تغموا عين الطفل و تعطوه ملامح شخص (عينين و فم و أنف و أذنين) يحاول و هو متغمي العينين أن يضعهم بلاصق (بلو تاك) على لوحة مرسوم عليها دائرة الوجه فقط بدون مساعدة من حد و طبعا هتكون الملامح متلخبطة و مضحكة و منها نتعلم اننا لو مخليناش بالنا من اللي بنعمله و مقبلناش مساعدة من الكبار هنبوظ الدنيا

 

7. ممكن تعملوا لوحة كبيرة و ترسموا الحاجات اللي هم بيقولوا آسف عليها (حد كبير يرسم)

8. ممكن يتفرجوا على بينوكيو اللي كان بيكذب و عرف غلطته و قال آسف .. و لو مقالش آسف علموه يقول آسف .

 

9. ممكن لعبة متاهة و يتعلم منها انه لو مسمعش صوت ربنا و قرأ الكتاب المقدس هيتوه و هيرجع يقول *آسف* لكن بعد ما يكون خسر كتير

 

10. ممكن اسكتش تاني بتاع ولد مش بيساعد بابا و ماما و مش بيسمع كلامهم و قي يوم ماما من كتر الشغل اللي بتعمله تعبت و بقيت عيانة و مقدرتش تعملهم أكل و هو بقى جعان جدا و عيط و قال لها *انا اسف* اني مكنتش باساعدك و من انهاردة هاساعدك علشان باحبك و مش عاوزك تكوني تعبانة تاني

 

11. تلوين ،مسرح عرائس ،فى ألعاب كتيييرة لسنهم.

 

12. ممكن نلعب لعبة " حذائي يكفي "

هنختار اتنين هيبدلوا الاحذية ويتسابقو مع بعض
الاستفادة من اللعبة :اننا منحكمش علي حد لاننا منعرفش ظروفه
متي.1:7

 

***شارك بالأفكار: 

Maria Mokhtar

Basem Rizk

Sarah Angally

Michael Atef

 

دي كانت مشاركات وأفكار بخصوص سؤال علي صفحتنا علي الفيسبوك : 

https://m.facebook.com/story.php?story_fbid=2018734171514584&id=227305157324170