الصحفي : بنرحب بضيف جديد انهارده معانا ... وهيحكي معانا عن حادثة غريبة حصلت ... تعالوا في الاول نتعرف عليه
يايرس : أنا اسمي يايرس و باشتغل رئيس مجمع
الصحفي : اهلا بيك يا يايرس معانا و ياترى كان عندك أولاد؟
يايرس : كان عندي بنت واحده بس
الصحفي : أنا قريت في الكتاب المقدس عن قصتك و الحادثة العجيبة اللي حصلت مع بنتك اللي محصلتش مع ناس كتير في الكتاب المقدس
يايرس : ايوه محصلتش غير مع اتنين تاني بس وهما ابن ارملة نايين ولعازر
الصحفي : طب ياللا حكيلنا بالتفصيل ايه اللي حصل
يايرس : زي ما قولتلك اني عندي بنت واحدة بس و لما كانت عندها 12 سنة تعبت جدا و كانت خلاص قربت تموت
الصحفي : وبعدين اتصرفت ازاي؟
يايرس : جريت على الطبيب العظيم ... الرب يسوع وطلبت منه انه يجي معايا البيت بسرعة ويلحقها بس للاسف الناس كان زحمه اوي عليه وكمان حصلت حاجه كمان عطلتنا
الصحفي : ايه اللي حصل
يايرس : كان في واحده تعبانه جدا كان عندها نزف دم وكانت محتاجه الرب يسوع جدا جت من وراه ولمست هدومه و في الحال خفت
الصحفي : ومحدش حس باللي حصل؟
يايرس: الرب يسوع طبعا ... وسأل مين لمسني ... راحت المرأة جت قدامنا وحكيتله على كل حاجة والرب يسوع قاللها ايمانك قد شفاكي
الصحفي : طب و بنتك ؟؟؟ اي تأخير مكنش في صالحكم
يايرس : واللي حصل كمان انه جاللي واحد وقاللي خلاص مفيش داعي تتعب الرب يسوع بنتك ماتت
الصحفي : يااااااااااه ماتت ؟ وكان ايه رد فعل الرب يسوع لما عرف ؟
يايرس : قاللي ماتخفش ... خللي عندك ايمان وهي هتخف
الصحفي : وراح معاك البيت صح؟
يايرس : ايوه صح
الصحفي : اوصفلي بقى حال البيت والناس لما وصلتوا ؟
يايرس : كان فيه زحمة وناس كتير بتبكي وبتلطم بس الرب يسوع قاللهم ماتبكوش ... هيا نايمة ومامتتش
الصحفي : نايمة ؟ طبعا كل الناس استغربت وبعدين عمل ايه الرب يسوع
يايرس : خرج كل الناس بره ودخلني انا ومامتها جوه الاوضه وبعدين مسك ايدها وقاللها يا صبية قومي
الصحفي : وقامت ؟
يايرس : طبعا قامت ... ده الرب يسوع بنفسه اللي قال قومي ... وهو ليه سلطان انه يقوم من الموت وله سلطان على كل شيء
الصحفي : ياااااه اد ايه قصة رائعة يا يايرس ... ومعاك حق الرب يسوع يقدر يعمل كل حاجة بس الفكره احنا بنصدق في كده ولا
اتبسطنا خالص انهارده بوجودك معانا يا يايرس ... ربنا معاك
www.madareselahad.org ©