الرئيسية » مسرحيات » اسكتشات كتابية

قصة العشاء العظيم

906

الشخصيات : الراوي – يسوع – السيد – الخدّام – أربعة ضيوف

 

الراوي: يسوع كان بيحكي قصص عن ملكوت الله في كل مكان بيروحه.في مرة حكي يسوع  قصة عن سيد عمل حفلة عشاء ودعى ليها بعض الضيوف.

 

يسوع : لو عملت عشاء، متدعيش أصحابك أو قرايبك الأغنياء، لكن ادعي المساكين والجدع والعرج والعمي. ساعتها ربنا فعلاً هيباركك. لأن الضيوف دول مش هيقدروا يردولك أو يكافئوك، لكن ربنا بنفسه هو إللي هيكافئك.

 

(فاصل موسيقي للقصة)

 

يسوع: في مرة من المرات كان في راجل عامل حفلة عشاء كبيرة، فنادي على واحد من الخدامين بتوعه وقاله:

 

السيد: يا خدّام، تعال بسرعة.

 

الخادم: أمرك يا سيدي.

 

السيد: أنا جهزت حفلة عشاء كبيرة، ودعيت ضيوفي، والعشاء بقى جاهز خلاص، عاوزك تروح تنادي على كل الضيوف وتقولهم  يجوا بسرعة لأن كل شيء جاهز خلاص.

 

الخدّام: أمرك يا مولاي، أنا هعمل كدة فوراً.

 

(فاصل موسيقي)

 

(صوت طرق علي الباب)

 

الضيف الأول: نعم، أي خدمة؟

 

الخدّام :سيدي بعتني عشان أقولك تيجي عشان العشاء بقى جاهز خلاص.

 

الضيف الأول: دلوقتي؟ مقدرش أجي دلوقتي. أنا أشتريت حقل ولازم أروح أشوفه دلوقتي. من فضلك أعذرني مش هقدر أجي.

 

يسوع: راح الخادم لبيت واحد تاني من الضيوف

 

(فاصل موسيقي)

 

(صوت طرق علي الباب)

 

الضيف التاني: نعم، عاوز حاجة؟

 

الخدّام: سيدي بعتني أقولك أنك تيجي عشان العشاء بقي جاهز خلاص.

 

الضيف التاني: نعم؟ مقدرش اجي النهاردة. أنا لسه  مشتري 10 بقرات ولازم أروح اشوفهم دلوقتي. من فضلك أعذرني مش هقدر أجي.

 

يسوع: راح الخدّام لبيت الضيف إللي بعده.

 

(فاصل موسيقي)

 

(صوت طرق علي الباب)

 

الضيف التالت: نعم؟ عاوز إيه؟

 

الخدّام: سيدي بعتني عشان أقولك تيجي لآن العشاء بقي جاهز خلاص.

 

الضيف التالت: أسف. مقدرش أجي النهاردة. أنا لسه متجوز جديد و مقدرش أجي.

 

(فاصل موسيقي)

 

يسوع: كل الضيوف قدموا الأعذار إللي خلتهم ميقدروش يجوا العشاء.

 

الخدّام: أنا مـتأسف يا مولاي، لكن كل الضيوف اللي أنت دعيتهم قالولي أنهم مش هيقدروا يجوا العشاء انهاردة.

 

السيد: إيه ده؟ أنا غضبان جداً. روح بسرعة لف في شوارع وحواري المدينة وأدعي الناس الفقراء والعرج والجدع والعمي لبيتي هنا، عشان أنا مش هالغي الحفلة بتاعتي.

 

الخدّام: أمرك يا مولاي.

 

(فاصل موسيقي)

(صوت طرق علي الباب)

 

الخدّام: من فضلكم تعالوا حفلة العشاء إللي عاملها سيدي. هو بعتني عشان ادعيكم عنده في البيت.

 

الضيوف: (أصوات كتيرة) بجد؟ أنا؟ ماشي، أنا هاجي. أنا فرحان جداً!

 

يسوع: رجع الخدّام لسيده وهو معاه ضيوف كتير جداً.

 

الخدّام: مولاي، كل إللي إنت أمرت بيه أتنفذ، ومع ذلك لسه في مكان.

 

السيد: روح لف في الطرق وفي حواري البلد وأدعي كل الناس، أنا عاوز بيتي يبقي مليان. ومفيش ولا واحد من الأشخاص إللي أنا دعيتهم في الأول هيدوق الأكل بتاعي أبداً.

 

(فاصل موسيقي للقصة)

 

الراوي: الله كمان بيدعي كل الناس عشان يكونوا معاه في ملكوته، فإذا إعتذرت وقلت إنك مش هتقدر تيجي، أتأكد أنه هيدعي ناس غيرك تانيين. وإذا كنت فاكر إن ليك عذر لأنك مشغول، خليك متأكد إنك من ضمن الناس اللي هتتساب هنا علي الأرض. عشان كده لما ربنا يدعيك، أمشي معاه وقوله: حاضر.

 

إذا كنت عايز تقرأ قصص أكتر من إللي يسوع قالها عن ملكوت الله، أقرأ أنجيل لوقا في العهد الجديد من كتابك المقدس.

                                                                

 

مترجم من : www.kidscorner.net

© www.madareselahad.org

 

مرفقات للتحميل