الأدوات المطلوبة :
2 منديل ورقي "يفضل مناديل مطبخ"
كأس به ماء
كأس به سائل كحولي " سبرتو " مكتوب عليه " يسوع "
ملقاط أو ماسك
كبريت
الفكرة:
المنديل الورقي يسهل حرقه ولكن عندما يوضع المنديل في الماء ثم السبرتو ونشعل النيران سوف يحترق الكحول سريعا تاركا المنديل سليما.
الشرح:
- امسك أحد المندلين بالماسك واسال الأطفال "إيه اللي يحصل لو ولعت عود كبريت ولمست بيه المنديل ؟" الإجابة بالطبع " هيتحرق "
- افعل ذلك أمام الأطفال .اشعل عود الكبريت ودع المنديل يحترق.
- امسك المنديل الآخر واسأل الأطفال " إيه إللي هيحصل في رأيكم لو جربت احرق المنديل وهو مبلول؟
تفتكروا هيتحرق برضه؟ " . اسمع اجاباتهم
ثم اغمس المنديل في كأس الماء أولا ثم كأس السبرتو وارفعه أمامهم . اشعل الكبريت وقربه من المنديل ...سيحترق الكحول ويترك المنديل سليما.
التعليق:
بيتنا هو المنديل لما بيكون ناشف من غير وجود الرب يسوع فيه أي مشكلة بتيجي علی البيت بيتهدم ويتهز وبيكون سهل يتحرق زي المنديل ولكن مع وجود الرب يسوع " الكأس" جوه البيت دايما هيثبت مهما جت عليه مشاكل أو أزمات.
عشان كده انهارده لو قررت تصلي وتدخل الرب يسوع في قلبك ؛ انت بتساعد بيتك إنه يثبت في المسيح يسوع.
**تنبهات هامة:
- تأكد من التخلص من السوائل والمحاليل التي استخدمتها في تقديم الدرس العملي لخطورتها علی الأطفال.
- قم بالتأكيد علی الأطفال بعدم تجربة الدرس العملي في البيت.
- قم بتجربة الدرس العملي في البيت مرة أو اثنين للتدريب عليه ولضمان نجاحه.
مأخوذ من المنهاج الصيفي: " عنوان بيتنا "
من اصدرات لجنة مدارس الأحد – جمعيات خلاص النفوس